Għaddej ix-xogħol fuq 25,000 metru kwadru ta’ spazju miftuħ f’Ħal Għaxaq
Project Green b’ħidma fuq żona ġdida għall-familji
B’investiment ta’ kważi miljun ewro, beda x-xogħol fuq spazju f’Ħal Għaxaq biex isir post għal picnics u rikreazzjoni. Dan tħabbar mill-Ministru għall-Ambjent Miriam Dalli u l-Ministru għall-Fondi Ewropej Stefan Zrinzo Azzopardi waqt żjara fuq is-sit flimkien mat-tim ta’ Project Green u s-sindku ta’ Ħal Għaxaq Karl Boxall u membri oħra tal-Kunsill Lokali.
Ix-xogħol minn Project Green qed isir biex dan il-post joffri esperjenza aħjar għall-pubbliku.
Il-Ministru Miriam Dalli qalet, “Qed noħolqu spazju ġdid ieħor ta’ 25,000 metru kwadru fejn il-familji tagħna jkunu jistgħu jiġu u jieħdu gost flimkien f’ambjent naturali. L-idea tagħna hi li nżommu l-aspett naturali u noħolqu ukoll faċilitajiet biex il-familji jkunu jistgħu jgħaddu il-ħin hawnhekk, għaliex f’kull proġett qegħdin naraw li ndaħlu aspetti differenti ħalli jkollna portafoll kemm jista’ jkun divers ta’ proġetti mal-pajjiż kollu.”
Il-Ministru Stefan Zrinzo Azzopardi qal li dan il-proġett ikompli juri kif il-fondi Ewropej qed jiġu investiti b’mod strateġiku biex jinħolqu spazji miftuħa ta’ kwalità li jkunu aċċessibbli għal kulħadd. “Grazzi għal Project Green, dan l-intervent f’Ħal Għaxaq b’investiment ta’ madwar €1 miljun se jkompli jsebbaħ l-ambjent naturali ta’ din iż-żona filwaqt li tiżdied l-aċċessibbiltà għal kulħadd. Dan fost kullana ta’ proġett oħra f’diversi lokalitajiet b’investiment ta’ aktar minn €14 miljun għal spazji ħodor u miftuħa li jtejbu l-kwalità tal-ħajja,” qal il-Ministru.
Il-proġett jinkludi livellar tal-art u formazzjoni ta’ passaġġi għal mixi u r-roti, kif ukoll bini ta’ ħitan tas-sejjieħ, ċnut u gradi fejn meħtieġ sabiex is-sit ikun aktar sigur. Se jitħawlu iktar minn mitt siġra ġdida u se jinbnew strutturi oħra li jinkludu faċilitajiet sanitarji u ġibjun taħt l-art għall-ġbir tal-ilma tax-xita biex jintuża għat-tisqija ta’ dan l-ispazju miftuħ. Xogħlijiet addizzjonali jinkludu l-installazzjoni ta’ bankijiet u mwejjed tal-piknik, inklużi dawk aċċessibbli u għat-tfal, stands għar-roti, elementi ta’ logħob ibbażati fuq in-natura, signs informattivi, dawl li jaħdem bl-enerġija solari u sistema ta’ CCTV.
Chiara Darmanin, il-Project Manager ta’ Project Green żiedet tgħid kif ix-xogħlijiet qed isiru b’reqqa sabiex jiġi żgurat l-użu sigur u sostenibbli tas-sit, kif ukoll il-protezzjoni tas-siġar eżistenti u tal-proprjetà ta’ partijiet terzi matul il-perjodu kollu tal-proġett.
Work underway on 25,000 square metres of open space in Ħal Għaxaq
Project Green working on a new area for families
With an investment of almost one million euro, work has begun on a space in Ħal Għaxaq that will be transformed into an area for picnics and recreation. This was announced by the Minister for the Environment, Miriam Dalli, and the Minister for European Funds, Stefan Zrinzo Azzopardi, during a site visit together with the Project Green team, the Mayor of Ħal Għaxaq Karl Boxall, and other members of the Local Council.
The works being carried out by Project Green aim to ensure that this site offers a better experience for the public.
Minister Miriam Dalli said, “We are creating another new space of 25,000 square metres where our families can come and enjoy themselves together in a natural environment. Our idea is to preserve the natural character while also creating facilities so that families can spend time here, because in every project we make sure to include different aspects so that we have as diverse a portfolio of projects as possible across the whole country.”
Minister Stefan Zrinzo Azzopardi stated that this project continues to demonstrate how European funds are being invested strategically to create quality open spaces that are accessible to everyone. “Thanks to Project Green, this intervention in Ħal Għaxaq, with an investment of around €1 million, will continue to enhance the natural environment of this area while increasing accessibility for all. This is one of many other projects in various localities, with an investment of more than €14 million in green and open spaces that improve quality of life,” said the Minister.
The project includes land levelling and the creation of walking and cycling paths, as well as the construction of rubble walls, fencing, and gates where necessary to make the site safer. More than one hundred new trees will be planted, and other structures will be built, including sanitary facilities and an underground reservoir for the collection of rainwater to be used for irrigating this open space. Additional works include the installation of benches and picnic tables, including accessible ones and those for children, bicycle stands, nature-based play elements, informative signage, solar-powered lighting, and a CCTV system.
Chiara Darmanin, Project Manager at Project Green, added that the works are being carried out with care to ensure the safe and sustainable use of the site, as well as the protection of existing trees and third-party property throughout the entire duration of the project.