Jibda proġett ambjentali innovattiv fl-iskola ta’ De La Salle
Spazju ambjentali miftuħ flimkien ma’ spazju edukattiv
Beda x-xogħol fuq proġett ġdid fil-kampus tal-iskola De La Salle, inizjattiva li tpoġġi l-ambjent naturali fil-qalba tat-tagħlim edukattiv u li għandha l-għan li toħloq spazju miftuħ, sostenibbli u innovattiv għall-istudenti u l-komunità.
Dan tħabbar mill-Ministru għall-Ambjent u l-Enerġija, Miriam Dalli flimkien ma’ Project Green u t-tmexxija tal-iskola De La Salle College waqt żjara fuq is-sit.
Il-Ministru Miriam Dalli qalet li dan huwa proġett innovattiv li jgħaqqad l-edukazzjoni man-natura. Qalet li l-fatt li l-klassijiet se jkunu integrati f’ambjent naturali, u li t-tagħlim isir fi spazju miftuħ, hija ħolma li qed issir realtà. Żiedet li dan il-proġett jista’ jservi ta’ mudell għal skejjel oħra sabiex jadottaw ħsieb simili fil-futur.
Min-naħa tiegħu, il-Project Manager David Ellul spjega li bħalissa għaddejjin xogħolijiet li jinkludu t-twaqqigħ ta’ strutturi abbandunati u kkundannati, u l-bini ta’ klassijiet ġodda li se jintużaw mill-istudenti u wkoll mill-pubbliku. Il-kunċett ewlieni tal-proġett huwa li dawn il-klassijiet ikunu integrati f’ġnien ekoloġiku, b’enfasi fuq sostenibbiltà u riċiklaġġ. Il-ġebel tal-istrutturi li twaqqgħu qed jerġa’ jintuża għall-bini tal-klassijiet il-ġodda, u b’hekk jitnaqqas l-iskart u jiġi massimizzat l-użu tar-riżorsi eżistenti.
Id-Direttur tal-iskola, Stephen Cachia spjega li permezz ta’ dan il-proġett l-iskola qed tħares lejn il-ħolqien ta’ nature-based learning centre. Huwa qal li l-klassijiet se jintużaw mill-istudenti tal-iskola kif ukoll minn studenti oħra, li jkunu jistgħu jqattgħu ġurnata ta’ tagħlim flimkien mal-għalliema tagħhom f’ambjent naturali. Dan se jippermetti li l-lezzjonijiet ma jkunux limitati għall-klassijiet tradizzjonali, iżda jkunu estiżi għall-ġnien ta’ madwarhom, u b’hekk l-istudenti jkunu jistgħu jesperjenzaw in-natura flimkien mal-edukazzjoni.
An innovative environmental project begins at De La Salle School
Open environmental space integrated with an educational space
Work has started on a new project at the De La Salle College campus, an initiative that places the natural environment at the heart of education and aims to create an open, sustainable, and innovative space for students and the community.
This was announced by the Minister for the Environment and Energy, Miriam Dalli together with Project Green and the leadership of De La Salle College during a site visit.
Minister Miriam Dalli said that this is an innovative project that brings education and nature together. She stated that the fact that classrooms will be integrated within a natural environment, and that learning will take place in an open space, is a dream that is becoming reality. She added that this project could serve as a model for other schools to adopt a similar approach in the future.
Project Manager David Ellul explained that works are currently underway which include the demolition of abandoned and condemned structures and the construction of new classrooms that will be used by students as well as the public. The main concept of the project is that these classrooms will be integrated within an ecological garden, with a strong emphasis on sustainability and recycling. Stone from the demolished structures is being reused for the construction of the new classrooms, reducing waste and maximizing the use of existing resources.
The school’s director, Stephen Cachia, explained that through this project the school is aiming to create a nature-based learning centre. He said the classrooms will be used by the school’s students as well as by other students who will be able to spend a day learning with their teachers in a natural environment. This will allow lessons to go beyond traditional classrooms and extend into the surrounding garden, enabling students to experience nature alongside their education.