Il-komunitajiet fil-qalba tas-sostenibbiltà: skema biex tissaħħaħ l-azzjoni tal-volontarjat
Tnediet is-sejħa għall-applikazzjonijiet taħt l-Iskema ta’ Appoġġ tal-Fond għall-Iżvilupp Sostenibbli għall-Għaqdiet Volontarji.
Dan tħabbar mill-Ministru għall-Ambjent u l-Enerġija Miriam Dalli u l-Ministru għall-Inklużjoni u l-Volontarjat Julia Farrugia flimkien mad-Direttorat għall-Iżvilupp Sostenibbli u l-Kunsill Malti għas-Settur tal-Volontarjat.
L-iskema, b’investiment ta’ €100,000, hija mmirata għal dawk l-inizjattivi li għandhom l-għan li jikkontribwixxu għat-tliet pilastri ta’ żvilupp sostenibbli, dak soċjali, ambjentali u ekonomiku. B’hekk tkun qed issaħħaħ ukoll l-irwol tal-għaqdiet volontarji fil-ħidma għall-iżvilupp sostenibbli f’Malta.
“Din l-iskema tpoġġi s-sostenibbiltà fejn tassew għandha tkun – fil-qalba tal-komunitajiet tagħna. Għalina, żvilupp sostenibbli jfisser kwalità ta’ ħajja aħjar għall-poplu. B’din l-iskema qed ninvestu direttament fl-ideat u l-enerġija tan-nies, u qed nibagħtu messaġġ ċar li nemmnu f’soċjetà ċivili b’saħħitha u attiva. Irridu naraw proġetti li jħallu impatt reali u li jsaħħu r-reżiljenza tal-komunitajiet tagħna. Meta nsaħħu l-volontarjat, inkunu qed insaħħu wkoll id-demokrazija u l-parteċipazzjoni tan-nies fil-futur sostenibbli ta’ pajjiżna,” qalet il-Ministru Miriam Dalli.
Min-naħa tagħha, il-Ministru Julia Farrugia spjegat kif “dan il-fond huwa prova ċara tal-viżjoni politika ta’ dan il-Gvern, dik li nkomplu ninvestu fil-qalba tas-soċjetà tagħna, jiġifieri fl-għaqdiet volontarji li kuljum jagħmlu differenza konkreta fil-ħajja tan-nies u l-komunitajiet tagħna. Aħna nemmnu f’politika li tagħti s-setgħa lill-komunitajiet, li tħeġġeġ il-parteċipazzjoni attiva u li tibni żvilupp sostenibbli li ma jħalli lil ħadd lura. B’din l-iskema, qed nagħtu mhux biss riżorsi, iżda wkoll fiduċja f’dawk li huma l-mutur veru tal-bidla soċjali, ambjentali u ekonomika fil-pajjiż tagħna.”
Permezz ta’ din l-iskema, l-għaqdiet eliġibbli jistgħu jirċievu finanzjament sa 80% tal-ispiża eliġibbli tal-proġett, sa massimu ta’ €10,000 għal kull proġett, inkluż il-VAT. Il-proġetti għandhom ikollhom objettivi u riżultati ċari u jridu jitlestew fi żmien massimu ta’ 24 xahar mid-data tal-ftehim tal-għotja.
Taħt il-pilastru soċjali, jistgħu jiġu ffinanzjati inizjattivi relatati mat-tnaqqis tal-faqar, is-sigurtà tal-ikel, is-saħħa u l-benesseri, edukazzjoni inklussiva, ugwaljanza bejn is-sessi, koeżjoni soċjali, ġustizzja u istituzzjonijiet b’saħħithom. Taħt il-pilastru ambjentali, il-proġetti jistgħu jindirizzaw l-ilma u s-sanità, l-enerġija sostenibbli, konsum u produzzjoni responsabbli, azzjoni klimatika, konservazzjoni tal-baħar u protezzjoni tal-bijodiversità. Fil-pilastru ekonomiku, l-inizjattivi jistgħu jippromwovu tkabbir ekonomiku sostenibbli u inklużiv, xogħol diċenti, innovazzjoni, infrastruttura reżiljenti, tnaqqis tal-inugwaljanzi u bliet u komunitajiet sostenibbli.
Is-sejħa se tibqa’ miftuħa sa nhar il-Ġimgħa 24 ta’ April 2026 f’nofsinhar. L-applikazzjonijiet iridu jintbagħtu permezz tal-VO Funding Portal. Il-proġetti jridu jkunu marbuta ma’ wieħed mill-Għanijiet ta’ Żvilupp Sostenibbli tan-Nazzjonijiet Uniti.
Communities at the heart of sustainability: A scheme to strengthen voluntary action
The call for applications has been launched under the Sustainable Development Fund Support Scheme for Voluntary Organisations.
This was announced by the Minister for the Environment and Energy, Miriam Dalli, and the Minister for Inclusion and Voluntary Sector, Julia Farrugia, during a press conference together with the Directorate for Sustainable Development and the Malta Council for the Voluntary Sector.
The scheme, with an investment of €100,000, is aimed at initiatives that contribute to the three pillars of sustainable development: social, environmental, and economic. It also strengthens the role of voluntary organisations in advancing sustainable development in Malta.
“This scheme places sustainability where it truly belongs – at the heart of our communities. For us, sustainable development means a better quality of life for people. Through this scheme, we are investing directly in people’s ideas and energy, while sending a clear message that we believe in a strong and active civil society. We want to see projects that create real impact and strengthen the resilience of our communities. By strengthening the voluntary sector, we are also strengthening democracy and people’s participation in the sustainable future of our country,” said Minister Miriam Dalli.
Minister Julia Farrugia explained that “This fund is clear proof of this Government’s political vision – to continue investing in the core of our society, namely voluntary organisations that make a concrete difference in people’s lives and communities every day. We believe in policies that empower communities, encourage active participation, and build sustainable development that leaves no one behind. Through this scheme, we are providing not only resources but also trust in those who are the true drivers of social, environmental, and economic change in our country.”
Through this scheme, eligible organisations can receive funding of up to 80% of the eligible project cost, up to a maximum of €10,000 per project, including VAT. Projects must have clear objectives and results and must be completed within a maximum of 24 months from the date of the grant agreement.
Under the social pillar, initiatives may address poverty reduction, food security, health and well-being, inclusive education, gender equality, social cohesion, justice, and strong institutions. Under the environmental pillar, projects may focus on water and sanitation, sustainable energy, responsible consumption and production, climate action, marine conservation, and biodiversity protection. Under the economic pillar, initiatives may promote sustainable and inclusive economic growth, decent work, innovation, resilient infrastructure, reduced inequalities, and sustainable cities and communities.
The call will remain open until Friday, 24 April 2026 at noon. Applications must be submitted through the VO Funding Portal. Projects must be linked to one of the United Nations Sustainable Development Goals.