Tasal fi tmiemha t-tieni edizzjoni tal-inizjattiva ‘Football for the Goals’
Wara sensiela ta’ tournaments tal-futbol li ġabu flimkien studenti minn skejjel differenti – u b’kull skola tingħata ballun tal-football speċjali marbut mal-Għanijiet ta’ Żvilupp Sostenibbli (SDGs) – it-tieni edizzjoni tal-inizjattiva ‘Football for the Goals’ issa waslet fil-fażi finali tagħha.
Din l-inizjattiva, li hija kollaborazzjoni bejn il-Ministeru għall-Ambjent u l-Enerġija, il-Ministeru għall-Edukazzjoni, l-Isport, iż-Żgħażagħ, ir-Riċerka u l-Innovazzjoni, u l-Fondazzjoni Inħobb il-Futbol, tkompli tibni fuq il-popolarità tal-futbol biex aktar tfal jifhmu u jaġixxu favur il-miri tal-pajjiż għall-iżvilupp sostenibbli.
Il-Ministru Miriam Dalli qalet li din l-inizjattiva tħeġġeġ lill-iskejjel jintegraw il-prinċipji ta’ żvilupp sostenibbli fil-ħajja ta’ kuljum tagħhom. Hija enfasizzat kif il-futbol jista’ jkun għodda b’saħħitha biex jinfetħu orizzonti ġodda u biex il-ġenerazzjonijiet kollha jsiru aktar konxji u responsabbli, filwaqt li jissaħħaħ l-għarfien dwar is-sostenibbiltà fil-komunitajiet. “Bħal dejjem, ħadt gost nara lit-tfal jippreżentaw il-proġetti u inizjattivi li ħadmu fuqhom. Dawn l-istudenti wrew il-kreattività tagħhom kif ukoll sens qawwi ta’ interess u responsabbiltà, li juri kemm dawn l-inizjattivi qed iħallu impatt pożittiv,” qalet il-Ministru Miriam Dalli.
Min-naħa tiegħu, il-Ministru Clifton Grima qal li din l-inizjattiva turi kif l-edukazzjoni tista’ tkun esperjenza ħajja li tgħaqqad it-tagħlim mal-valuri u mal-ħiliet li l-istudenti jeħtieġu għall-futur. Huwa enfasizza li permezz ta’ inizjattivi bħal dawn, l-istudenti mhux biss jitgħallmu dwar l-iżvilupp sostenibbli, iżda jkunu wkoll imħeġġa jieħdu rwol attiv fil-komunitajiet tagħhom. “Dan il-programm jagħti spazju lill-istudenti biex jesprimu l-kreattività tagħhom, jaħdmu f’tim u jifhmu aħjar ir-responsabbiltà li għandhom lejn is-soċjetà u l-ambjent. Huwa b’dan il-mod li nibqgħu nibnu sistema edukattiva li tħejji ċittadini responsabbli u impenjati,” qal il-Ministru Grima.
Din is-sena, 17-il klassi minn skejjel differenti pparteċipaw fl-inizjattiva, b’kull klassi allokata wieħed mill-SDGs. Il-programm se jilħaq il-qofol tiegħu b’tournament finali ta’ ġurnata sħiħa ta’ futbol, attività li se tiċċelebra l-isport flimkien mal-valuri ta’ sostenibbiltà u kollaborazzjoni li jinsabu fil-qalba ta’ din l-inizjattiva.
The second edition of the initiative ‘Football for the Goals’ reaches its final stage
After a series of football tournaments that brought together students from different schools — with each school receiving a special football linked to the Sustainable Development Goals (SDGs) — the initiative has now entered its concluding phase.
This initiative, a collaboration between the Ministry for the Environment and Energy, the Ministry for Education, Sport, Youth, Research and Innovation, and the Foundation Inħobb il-Futbol, continues to build on the popularity of football to help more children understand and take action in support of the country’s sustainable development goals.
Minister Miriam Dalli stated that the initiative encourages schools to integrate sustainable development principles into their daily lives. She highlighted how football can be a powerful tool to open new horizons and to make all generations more aware and responsible, while strengthening awareness of sustainability within communities. She added that she was pleased to see students presenting the projects and initiatives they worked on, noting their creativity and strong sense of interest and responsibility, which shows the positive impact of such initiatives.
Minister Clifton Grima stated that this initiative demonstrates how education can be a living experience that connects learning with the values and skills students need for the future. He emphasised that through such initiatives, students not only learn about sustainable development, but are also encouraged to take an active role within their communities. “This programme provides students with the space to express their creativity, work as a team, and better understand their responsibility towards society and the environment. It is through initiatives like these that we continue to build an education system that prepares responsible and engaged citizens,” said Minister Grima.
This year, 17 classes from different schools took part in the initiative, with each class assigned one of the SDGs. The program will culminate in a full-day final football tournament — an activity that celebrates sport alongside the values of sustainability and collaboration at the heart of the initiative.