Ikompli javvanza x-xogħol fuq park innovattiv f’Baħar iċ-Ċagħaq – spazju ġdid għall-familji
Art li għal snin twal kienet abbandunata tul Triq il-Kosta f’Baħar iċ-Ċagħaq qed tinbidel f’park modern ta’ madwar 5,500 metru kwadru – l-ewwel spazju miftuħ ta’ dan it-tip fiż-żona, iddisinjat biex ikun ċentru ta’ ħajja, rikreazzjoni u natura għal komunità.
Il-proġett, li se jkun jista’ faċilment jintlaħaq minn madwar 1,250 resident li jgħixu f’inqas minn 10 minuti mixi miż-żona, jinsab fi stadju avvanzat ta’ implimentazzjoni. Il-Ministru għall-Ambjent, l-Enerġija u l-Indafa Pubblika Miriam Dalli u l-Ministru għall-Fondi Ewropej u l-Implimentazzjoni tal-Programm Elettorali Stefan Zrinzo Azzopardi żaru s-sit fejn osservaw il-progress sostanzjali li sar.
“Il-viżjoni li għandna għal pajjiżna qed tkompli issir realtà. Dan il-proġett huwa trasformazzjoni konkreta ta’ art abbandunata fi spazju miftuħ ta’ kwalità li se jkun jista’ jitgawda minn eluf ta’ familji li jgħixu fil-viċinanzi. Dan se jkun l-ewwel park miftuħ ta’ dan it-tip fiż-żona – spazju sigur li se jservi lil familji, tfal u anzjani, b’elementi distintivi bħaż-zipline u ‘pirate ship’ li jagħmluh destinazzjoni għal rikreazzjoni attiva. Qed inkomplu ninvestu fi spazji sostenibbli li jtejbu l-kwalità tal-ħajja u jġibu n-natura eqreb lejn in-nies,” qalet il-Ministru Miriam Dalli.
Il-Ministru Stefan Zrinzo Azzopardi sostna li l-Baħar iċ-Ċagħaq Park jifforma parti minn investiment usa’ li jlaħħaq €15.8 miljun, fejn il-parti l-kbira tal-finanzjament hija sostnuta mill-Fondi Ewropej. Huwa nnota li l-investiment speċifiku f’dan is-sit jammonta għal kważi €1 miljun u spjega li dan il-kontribut sostanzjali juri kif il-Fondi Ewropej qed jitwasslu f’proġetti konkreti li jagħmlu differenza fil-ħajja tan-nies u fl-ambjent ta’ pajjiżna.
Il-Ministru żied jgħid li permezz ta’ dawn il-fondi, Malta qed tkompli tinvesti fi spazji ħodor ta’ kwalità, li mhux biss isaħħu l-bijodiversità u jtejbu l-mikroklima, iżda joħolqu wkoll ambjent aktar sigur, aċċessibbli u sostenibbli għall-komunità kollha. Skontu, dan huwa eżempju ċar ta’ kif il-Fondi Ewropej qed jappoġġjaw viżjoni fit-tul għal pajjiż aktar nadif, aktar ħadrani u b’kwalità ta’ ħajja aħjar.
Wara li tlestiet il-kostruzzjoni ta’ ġibjun ta’ 540 metru kubu – infrastruttura kruċjali biex tipprovdi ilma għat-tisqija sostenibbli tal-park – ix-xogħol issa miexi lejn il-fażi finali li tinkludi l-passaġġi, il-faċilitajiet pubbliċi u l-installazzjoni tal-elementi rikreattivi.
Il-park se jinkludi żoni ta’ logħob informali għal kull età, b’elementi innovattivi fosthom zipline li se jattira lit-tfal u ż-żgħażagħ biex iqattgħu aktar ħin fil-beraħ u jħeġġeġ attività fiżika. Se jitħawlu madwar 200 siġra ġdida li mistennija joħolqu dell fuq madwar 3,100 metru kwadru tas-sit, u b’hekk titjieb il-mikroklima taż-żona u tissaħħaħ il-bijodiversità.
B’investiment ta’ kważi miljun ewro, dan il-proġett huwa ffinanzjat permezz tal-Fondi Ewropej taħt il-Miżura 8.5 u jifforma parti mill-Community Greening Grant Scheme. L-inizjattiva qed titwettaq b’kollaborazzjoni mal-Kunsill Lokali tan-Naxxar sabiex il-park jirrifletti l-ħtiġijiet u l-aspirazzjonijiet tar-residenti.
Work continues to progress on an innovative park in Baħar iċ-Ċagħaq – a new space for families
Land that had been abandoned for many years along Triq il-Kosta in Baħar iċ-Ċagħaq is being transformed into a modern park of around 5,500 square metres – the first open space of this kind in the area, designed to serve as a centre for community life, recreation, and nature.
The project, which will be easily accessible to around 1,250 residents living within a 10-minute walk of the site, is now in an advanced stage of implementation. Minister for the Environment, Energy and Public Cleanliness Miriam Dalli and Minister for European Funds and the Implementation of the Electoral Programme Stefan Zrinzo Azzopardi visited the site where they observed the substantial progress that has been made.
“Our vision for our country is continuing to become a reality. This project is a concrete transformation of abandoned land into a high-quality open space that will be enjoyed by thousands of families living nearby. It will be the first open park of its kind in the area – a safe space serving families, children and the elderly, with distinctive features such as a zipline and a pirate ship that will make it a destination for active recreation. We are continuing to invest in sustainable spaces that improve quality of life and bring nature closer to people,” said Minister Miriam Dalli.
Minister Stefan Zrinzo Azzopardi explained that the Baħar iċ-Ċagħaq Park forms part of a wider investment of €15.8 million, with the majority of the funding supported by European Funds. He noted that the specific investment at this site amounts to almost €1 million, adding that this significant contribution shows how European Funds are being delivered through concrete projects that make a difference in people’s lives and in the country’s environment.
The Minister added that through these funds Malta is continuing to invest in high-quality green spaces that not only strengthen biodiversity and improve the microclimate, but also create a safer, more accessible and sustainable environment for the whole community. According to him, this is a clear example of how European Funds are supporting a long-term vision for a cleaner, greener country with a better quality of life.
After the construction of a 540-cubic-metre reservoir – crucial infrastructure to provide water for the park’s sustainable irrigation – work is now moving into the final phase, which includes pathways, public facilities, and the installation of recreational elements.
The park will include informal play areas for all ages, with innovative features including a zipline that will attract children and young people to spend more time outdoors and encourage physical activity. Around 200 new trees will be planted, expected to provide shade over about 3,100 square metres of the site, improving the area’s microclimate and strengthening biodiversity.
With an investment of nearly €1 million, the project is funded through EU Funds under Measure 8.5 and forms part of the Community Greening Grant Scheme. The initiative is being carried out in collaboration with the Naxxar Local Council so that the park reflects the needs and aspirations of local residents.