Għaddej ix-xogħol fuq in-netwerks tal-ilma tax-xorb u tad-drenaġġ f’Ħal Kirkop
Il-Ministru għall-Ambjent u l-Enerġija Miriam Dalli u s-Segretarju Parlamentari għax-Xogħlijiet Pubbliċi Omar Farrugia żaru xogħlijiet infrastrutturali li għaddejjin f’Ħal Kirkop, li jinkludu titjib fin-netwerks tal-ilma tax-xorb u tad-drenaġġ tal-Korporazzjoni għas-Servizzi tal-Ilma, kif ukoll min naħa tad-Dipartiment tax-Xogħlijiet Pubbliċi qed joħloq sistema aktar kompleta u effiċjenti ta’ immaniġġjar tal-ilma tax-xita f’dawn l-inħawi.
Ix-xogħlijiet bħalissa għaddejjin, wara li ftit ġimgħat ilu beda x-xogħol biex tiġi sostitwita s-sistema tad-drenaġġ fi Triq K. Darmanin.
Matul iż-żjara, il-Ministru Miriam Dalli enfasizzat kif l-investiment kontinwu fl-infrastruttura essenzjali huwa kruċjali biex jissaħħu l-komunitajiet u l-iżvilupp sostenibbli f’pajjiżna. “Li niżguraw li l-infrastruttura tagħna tkun lesta għall-ġejjieni, u tindirizza l-bżonnijiet futuri tal-komunitajiet tagħna, huwa essenzjali kemm għas-sostenibbiltà ambjentali kif ukoll għall-kwalità tal-ħajja. Proġetti bħal dawn qed jibnu reżiljenza fis-sistemi tagħna u huma investiment fit-tul għar-residenti u kif ukoll tan-negozji,” qalet il-Ministru Dalli.
Hija żiedet tgħid li l-Gvern jibqa’ impenjat li jimmodernizza l-infrastruttura tal-ilma madwar Malta u Għawdex permezz ta’ investimenti strateġiċi li jtejbu l-effiċjenza, inaqqsu r-riskju ta’ interruzzjonijiet fis-servizz tal-ilma, u jissalvagwardjaw ir-riżorsi tal-ilma tal-pajjiż.
“Dawn ix-xogħlijiet f’Ħal Kirkop jiffurmaw parti minn sforz nazzjonali usa’ biex inkomplu nsaħħu n-netwerks tal-ilma u tad-drenaġġ li jservu l-lokalitajiet tagħna. Billi ninvestu f’dawn is-sistemi essenzjali, qed niżguraw li l-komunitajiet jibbenefikaw minn servizzi aktar affidabbli filwaqt li nkomplu nipproteġu l-ambjent u nappoġġjaw tkabbir sostenibbli għas-snin li ġejjin,” qalet il-Ministru Dalli.
Min-naħa tiegħu s-Segretarju Parlamentari Omar Farrugia qal li għal diversi snin ir-residenti ta’ Ħal Kirkop sofrew minn problema kbira ta’ għargħar wara xita qawwija. “llum b’sinerġija bejn id-Dipartiment tax-Xogħlijiet Pubbliċi u il-Korporazzjoni tas-Servizzi tal-Ilma, għaddejjin bit-tielet fażi ta’ dan il-proġett, sabiex jinġabar ammont kbir ta’ ilma tax-xita. Dan il-proġett huwa xhieda ċara tal-impenn li l-Gvern qed juri sabiex ikompli jtejjeb l-infrastruttura fit-toroq tagħna u b’hekk inħarsu s-saħħa u s-sigurtà tar-residenti u s-sewwieqa li jużaw dawn it-toroq”.
Ix-xogħlijiet tal-ilma tax-xorb jinvolvu l-installazzjoni ta’ pajp prinċipali tal-ilma potabli b’dijametru ta’ 100mm tul medda ta’ 700 metru u jiffurmaw parti mill-isforzi kontinwi tal-Korporazzjoni għas-Servizzi tal-Ilma biex issaħħaħ l-affidabbiltà u l-effiċjenza tan-netwerk tad-distribuzzjoni tal-ilma tax-xorb ta’ Malta.
Sadanittant, it-titjib tan-netwerk tad-drenaġġ jinvolvi xogħlijiet b’investiment ta’ madwar €1 miljun. Il-proġett jinkludi l-installazzjoni ta’ pajp tad-drenaġġ b’dijametru ta’ 600mm tul medda ta’ 305 metru fi Triq Danny Cremona, l-installazzjoni ta’ pajp tad-drenaġġ b’dijametru ta’ 250mm tul medda ta’ 200 metru minn Triq ir-Ramlija, u l-installazzjoni ta’ pajp tad-drenaġġ b’dijametru ta’ 200mm tul medda ta’ 400 metru minn Triq il-Belt Valletta.
Min-naħa tad-Dipartiment tax-Xogħlijiet Pubbliċi se jkunu qed jiġu installati madwar 640 metru ta’ pajpijiet, b’dijametru li jvarja bejn 400 u 700 millimetru, li se jkunu konnessi man-netwerk li diġà tlesta fi Triq San Pietru.
Works ongoing to upgrade potable water and sewage networks in Kirkop
Minister for the Environment and Energy Miriam Dalli and Parliamentary Secretary for Public Works Omar Farrugia visited ongoing infrastructure works in Kirkop, which include upgrades to the Water Services Corporation’s potable water and sewage networks, as well as works being carried out by the Public Works Department.
Works are currently ongoing, with sewer replacement works in Triq K. Darmanin having commenced a few weeks ago.
During the visit, Minister Miriam Dalli highlighted how continued investment in essential infrastructure is key to strengthening communities and ensuring sustainable development. “Ensuring that our infrastructure is future-proof and addresses future needs of our communities is essential for both environmental sustainability and quality of life. Projects like these are building resilience into our systems and investing in the long-term wellbeing of residents and businesses alike,” said Minister Dalli.
She added that the Government remains committed to modernising water infrastructure across Malta and Gozo through strategic investments that improve efficiency, reduce the risk of disruptions, and safeguard the country’s water resources.
“These works in Kirkop form part of a wider national effort to continue strengthening the water and sewage networks that serve our localities. By continuing to invest in these essential systems, we are ensuring that communities benefit from more reliable services while we continue to protect the environment and support sustainable growth for the years ahead,” Minister Dalli said.
Parliamentary Secretary Omar Farrugia said that for several years, residents of Ħal Kirkop suffered from a major flooding problem following heavy rainfall. “Today, through synergy between the Public Works Department and the Water Services Corporation, we are proceeding with the third phase of this project, in order to collect a large amount of rainwater. This project is clear evidence of the Government’s commitment to continue improving road infrastructure, thereby safeguarding the health and safety of residents and drivers who use these roads.”
The potable water works involve the installation of a 100mm diameter potable water main along a stretch of 700 metres and form part of the Water Services Corporation’s continued efforts to strengthen the reliability and efficiency of Malta’s potable water distribution network.
Meanwhile, the sewage network upgrade involves works with an investment of around €1 million. The project includes the installation of a 600mm diameter sewage main along a 305-metre stretch in Triq Danny Cremona, the installation of a 250mm diameter sewage main along a 200-metre stretch through Triq Ir-Ramlija, and the installation of a 200mm diameter sewage main along a 400-metre stretch through Triq il-Belt Valletta.
From the Public Works Department’s end, approximately 640 metres of pipes will be installed, with diameters ranging between 400 and 700 millimetres, and these will be connected to the network that has already been completed in Triq San Pietru.